Украинадаги уруш Киевнинг айрим ҳудудларни йўқотиши билан якунланиши мумкин — Доналд Трамп

АҚШ президенти бу фикрни Fox News телеканалига берган интервюсида билдирди.

Доналд Трампнинг интервюсидан бошқа иқтибослар:

◾️ Ҳозирда Қўшма Штатларнинг ўзига ҳам Tomahawk ракеталари зарур, шунинг учун Киевнинг Tomahawk етказиб бериш ҳақидаги сўровларини бажариш қийин;

◾️ Украина можаросини ҳал қила олишимга ишонаман;

◾️ Мен икки ҳафтадан сўнг Си Жинпин билан учрашишим мумкин. Мазкур учрашув натижасида АҚШ ва Хитой ўртасидаги савдо муносабатларининг кейинги ривожи аниқ бўлади;

◾️ Пекин Вашингтонни қўшимча 100 фоизлик импорт божи жорий этишга мажбур қилди;

◾️ Қўшма Штатлар ва Хитой ўртасида ҳаммаси яхши бўлади, лекин бизга адолатли савдо келишуви зарур. Мен Хитойни йўқ қилиш ниятида эмасман, фақат савдо алоқаларини мувозанатга келтириш тарафдориман;

◾️ ҲАМАС ихтиёрий равишда қуролларини ташлашига шубҳам бор. Агар ҲАМАС қуролларини ташламаса, уларни “бошқа кучлар” қуролсизлантиради. АҚШ Ғазога ўз қўшинларини киритмоқчи эмас.