Украинадаги миналарни тозалаш учун қанча пул кетиши ҳисоблаб чиқилди

Украинада миналарни тозалаш 34,6 миллиард долларга тушади.

Зеленский Брюсселда ўзининг «ғалаба режаси» ни тақдим этар экан, Бош вазир Денис Шмигал Швейтсарияда бўлиб ўтган конференцияда Украинадаги миналардан тозалашни қўллаб-қувватлашга чақирди.

Унда камида 50 мамлакат вакиллари иштирок этди. Шмигалнинг айтишича, Киев 2023 йилгача мамлакатни бутунлай миналардан тозалаш режаси бор эди, лекин бу мақсадни амалга ошириш учун халқаро ёрдам керак бўлган.

Жаҳон банки маълумотларига кўра, жараён тахминан 34,6 миллиард долларга тушиши мумкин.

«Ушбу муаммонинг кўлами ҳақиқатан ҳам катта», деди Шмигал Лозаннада. «Мен бутун тсивилизациялашган дунёни миналардан тозалаш соҳасида Украинага ёрдамни кучайтиришга чақираман».

Тахминан 10 000 ишчи ўқитилиши керак ва мамлакат кўпроқ миналардан тозалаш машиналарини талаб қилади.

«Украина аллақачон бу машиналарнинг бир қисмини ишлаб чиқаришни бошлаган, бироқ биз бу соҳада сизнинг ёрдамингизга муҳтожмиз», деди у.

Бирлашган Миллатлар Ташкилотининг Тараққиёт Дастури Украинага миналанган майдонларни аниқлаш мақсадида ерни кузатиш учун дронлар билан ёрдам бериш мажбуриятини олди.