Россия ҳужуми натижасида Украинанинг Ивано-Франковск вилоятидаги Бурштин иссиқлик электр станцияси жиддий зарар кўрди ва фаолияти тўхтатилди.
Бурштин мэри Василий Андришин бу ҳақда ижтимой тармоқ орқали эълон қилди.
"Ракета ҳужумлари жиддий зарар етказди. Станця ҳозирда ноль қувватда. Кейин нима бўлишини ҳали ҳеч ким билмайди", деди у.
Андрешиннинг сўзларига кўра, Буршти ҳозирда иситиш ва сув билан боғлиқ муаммоларга дуч келмоқда. Сув таъминоти бир неча соат ичида тикланиши ва электр энергияси фақат иссиқлик электр стансиясидаги вазият аниқлангандан кейингина тикланиши кутилмоқда.
Эслатиб ўтамиз, 7 февраль кечаси Россия қўшинлари Украинага катта зарба беришди. Хусусан, мамлакатнинг турли минтақаларидаги иссиқлик электр стансиялари нишонга олинди. Украина энергетика вазири Денис Шмигал Бурштин ва Добротвир иссиқлик электр станцияларида портлашлар содир бўлганини хабар қилди. Ғарбий Украинадаги Ривне шаҳрида, мамлакатнинг марказий қисмидаги Винница ва Елизаветградда ҳам бир қатор портлашлар қайд этилди. Львов ва Ровно вилоятларида муҳим инфратузилма зарар кўрди.
Қорақалпоғистондаги “Борсакелмас” қўриқхонаси фотоқопқонига қорақулоқ муҳрланди
"Шайтон трусик": Инстаграмда ички кийимларини беҳаё реклама қилдирган тадбиркорнинг иши судга оширилди
“Уч дара” — дунёдаги энг катта қувватга эга тўғон
