Британиянинг Times газетаси Украинада аниқ миқдори номаълум бўлган қуролларнинг назоратсиз айланиши бутун дунё бўйлаб жиддий оқибатларга олиб келиши мумкинлигини ёзди.
ОАВ хабарларига кўра, бошқа мамлакатлардан кўра кўпроқ қурол импорт қиладиган Украина ўқотар қуроллар инқилобини бошидан кечирмоқда. Газета ёзганидек, "мамлакатда қанча қурол муомалада эканлигини ва урушдан кейин улар билан нима содир бўлиши бутун дунёда жиддий оқибатларга олиб келишини" ҳеч ким билмайди.
Times экспертларга таяниб, агар Киев ҳукумати жанговар ҳаракатлар тугагандан сўнг фуқаролардан рўйхатдан ўтмаган қуролларни сотиб олмаса, бу мамлакатда улардан фойдаланган ҳолда ҳужумлар кўпайишига олиб келиши ва Украинанинг ўзи "жиноятчилар учун қурол бозори"га айланиши мумкинлигини таъкидлайди.
Нашрнинг таъкидлашича, уюшган жиноятчиликка алоқадор бўлган оз сонли украиналиклар ҳам "Европада тартиб ва қонунийликни таъминлашда жиддий муаммоларни келтириб чиқариши мумкин". Газетанинг ёзишича, Украинадан рўйхатдан ўтмаган пулемётлар, боғларга кўмилган гранаталар, гаражларда яширинган танклар ҳақида хабарлар келмоқда.
Россия ҳарбийлари Украина Қуролли кучларининг қурол заводи ва аэродромига зарба берди
Макгрегор етти йилни панжара ортида ўтказиши мумкин
Эрон ТИВ вазири: "Эрон урушга тайёр!"
