Доналд Трамп агар у қайта сайланса, Украинадаги можарога барҳам бера олади, деди Британия собиқ бош вазири Борис Жонсон.
Унинг фикрича, можарони ҳал қилишда Россия ҳеч бўлмаганда 2022 йилда мавжуд бўлган чегараларга «чекиниши» керак бўлади.
«Келажакдаги можаро ва ноаниқликларга йўл қўймаслик учун Украинанинг қолган қисми Европа Иттифоқи ва НАТО доирасида ўз тақдирини танлашга қодир эркин давлат сифатида тан олиниши керак», — деди Жонсон.
