Украина Шимолий Кореялик ҳарбий асирларни Жанубий Кореяга топширмоқда

Украина Президенти Владимир Зеленскийнинг сўзларига кўра, Украина икки нафар шимолий кореялик ҳарбий асирни Жанубий Кореяга топширмоқда. Ҳар икки аскар ўтган йили Украина армияси томонидан Курск вилоятида асирга олинган.

Аввалроқ BILD хабар берганидек, икки шимолий кореялик асирнинг ўзлари Жанубий Кореяга бориш истагини билдирган ва бу ҳақда тегишли мактуб ёзган.

«Биз Жанубий Кореяга боришга ва у ердаги одамларни ўз яқинларимиз ва биродарларимиз деб билишга қарор қилдик. Корея Республикасидаги одамларнинг ёрдами туфайли бизда янги умидлар пайдо бўлди», — дейилади мактубда.