Украина Мудофаа вазирлигининг Бош разведка бошқармаси бошлиғи Кирилл Буданов Тhe Telegraph нашрига берган интервюсида баҳорда янги қарши ҳужум бошланиши режалари ҳақида гапирди.
Унинг сўзларига кўра, бу вақтгача Россиянинг ҳозирги ҳужуми тўлиқ тугайди.
Россия қўшинлари Украина шарқини босиб олиш ҳаракатларидан воз кечмаяпти. Хусусан, улар бир вақтнинг ўзида Купянск, Лиман, Бахмут ва Авдеевка ҳудудларида ҳужум амалиётларини ўтказмоқда. Украина ҳарбий разведкаси бошлиғи руслар Авдеевкада "баъзи муваффақиятларга" эришганини тан олди, аммо "душман армияси тўлақонли ғалабага умуман умид қилмаслигини" айтиб ўтди.
Аввалроқ Буданов жорий йилда Россия инфратузилмасига ҳужумлар кучайиши мумкинлигини айтганди. Бироқ у Киевнинг Россия Федерациясидаги дрон ҳужумларига алоқадорлигини бевосита тан олмаган.
