Украина президенти девони раҳбари Андрей Ермакни уйида тинтув ўтказилмоқда

Украина президенти девони раҳбари Андрей Ермакни уйида тинтув ўтказилмоқда — “Украинская Правда”.

Нашр мухбирининг хабар беришича, Киевнинг ҳукумат идоралари жойлашган ҳудудига НАБУ (Украина Миллий антикоррупция бюроси) ва САП (Махсус антикоррупция прокуратураси) ходимлари Ермакни уйида тинтув ўтказишга келишган.

Тинтув ўтказилаётгани ҳақида Украина Олий Радаси депутатлари Алексей Гончаренко ва Ярослав Железняк ҳам маълум қилди.

Украинада “Энергоатом” давлат энергетика компанияси билан боғлиқ йирик коррупция можароси авж олмоқда. Шу сабабли Украина энергетика ва адлия вазирлари истеъфога чиқарилди. Можаронинг асосий шахси бизнесмен Тимур Миндич бўлиб, оммавий ахборот воситалари уни "Зеленскийнинг дўсти" деб атаган.