Европарламент Украина бўйича тинчлик музокараларида Евроиттифоқ ҳам иштирок этиши ва Россиянинг музлатилган активларини Киевга топшириш талаб қилинган резолюцияни эълон қилди.
Ҳужжатда қуйидаги бандлар келтирилган:
◾️ Украинага хавфсизлик кафолатлари: Украинада ўт очишни тўхтатиш қарорига Евроиттифоқ ва АҚШ томонидан бериладиган мустаҳкам хавфсизлик кафолатлари ҳамроҳ бўлиши лозим. Хавфсизлик кафолатлари NATO низомининг 5-моддаси ҳамда ЕИ низомининг 42.7-моддасига мос бўлиши шарт, бу янги тажовузнинг олдини олиш учун зарур;
◾️ Россия томонидан босиб олинган ҳудудларни тан олмаслик: Украинанинг россияликлар томонидан эгаллаб олинган ҳудудлари “Россия таркибига кирган” деб тан олинмайди. Европа парламенти Евроиттифоқнинг исталган музокарада иштирокини таъминлаш керак. Украина масаласида — украиналикларнинг иштирокисиз, Европа ҳақида — европаликларсиз қарорлар қабул қилинмаслиги шарт;
◾️ Вашингтоннинг иккиёқлама позициясига танқид: Қўшма Штатларнинг номувофиқ сиёсати барқарор тинчликка эришишни қийинлаштирмоқда. Келажакдаги ҳар қандай келишув Украинага иттифоқлар танлаш ва ҳудудий яхлитлигини ҳимоя қилиш ҳуқуқини чекламаслиги лозим;
◾️ Киевга репарацион кредит: Европарламент депутатлари Украина учун Россиянинг музлатилган активлари ҳисобидан таъминланган кредит механизмини яратишни таклиф қилмоқда ва бу активларнинг тақдирини Евроиттифоқ иштирокисиз муҳокама қилиб бўлмаслигини билдиради. Европарламентнинг позициясига кўра, тинчлик битими имзоланмагунча Москвага қарши санкциялар бекор қилинмаслиги керак. Россия музокарадан бош тортса, ЕИ босимни кучайтириши лозим.
Каспий денгизи иккига ажралиши мумкин
Тошкент вилояти ва Тошкент шаҳрида "ерфурушлар" қўлга тушди
АҚШнинг Тошкентдаги элчихонаси эълони
