Украина АҚШнинг янги версиядаги тинчлик режасини қабул қилишга рози бўлди, бироқ...

Украина АҚШнинг янги версиядаги тинчлик режасини қабул қилишга рози бўлди, бироқ айрим тафсилотларни ҳали келишилиши керак — CBS News.

Хабар берилишича, бугун Украина делегацияси ҳам Абу-Дабида бўлиб турибди, у ерда АҚШ армия вазири Дэниэл Дрисколл режанинг янгиланган версиясини Россия билан муҳокама қилмоқда.

“Украиналиклар тинчлик келишувига рози бўлишди. Ҳали ҳал қилиниши керак бўлган баъзи деталлар бор. Биз катта оптимизмни сақлаяпмиз. Вазир Дрисколл ҳам оптимистик кайфиятда. Яқинда россияликлардан жавоб оламиз деган умиддамиз. Ҳаммаси жуда тез суръатда кетяпти", — деди CBS News манбаси.

Шу билан бирга, америкалик мансабдорнинг таъкидлашича, Путин Донецк вилояти устидан тўлиқ назоратни қўлга киритишига ишонади, бу музокаралар ёки жанг майдони орқали амалга ошиши мумкин.

Қайд этилишича, америкаликлар "Путин ушбу масалада ҳақ", деб ҳисоблашади ва бу ҳақда Женевада Украина расмийларига маълум қилишган.