"Мен Путиннинг тарафдори эмасман, лекин..."

Мен Путиннинг тарафдори эмасман, лекин Россия билан мулоқот қилиш зарур, дея фикр билдирди АҚШ Давлат котиби

Марко Рубионинг сўзларига кўра, Россия билан мулоқотни сақлаб қолиш муҳим, чунки у йирик ядровий арсеналга эга ва дунёнинг кўплаб минтақаларида фаол ҳаракат қилаётган мамлакат ҳисобланади.

"Ҳатто “Совуқ уруш”нинг энг оғир даврларида ҳам АҚШ ва Совет Иттифоқи ўзаро алоқани сақлаб турган. Агар биз масалага ақлли инсонлар каби ёндашсак, мен шуни айтишим керакки, Владимир Путиннинг қилган ишлари менга ёқмайди, лекин бу давлат бошқарувида ҳеч қандай аҳамиятга эга эмас. Чунки биз дунёдаги энг катта тактик ядровий қуролларга эга давлат билан мулоқотни сақлашимиз керак. Бизга бу ёқадими ёки йўқ, Россия — глобал давлат, жаҳон қудрати. У Суриядаги вазиятда иштирок этган, Яқин Шарқ ва ҳатто Ғарбий ярим шарда ҳам муҳим жараёнларга аралашган. Шундай экан, биз улар билан қандайдир алоқа ўрнатишимиз шарт", – дея фикр билдирди АҚШ Давлат котиби.

Шунингдек, Рубио Вашингтон Москва билан мулоқотни қайта тиклаш йўлида аввало элчихонанинг тўлақонли ишини йўлга қўйишни режалаштираётганини маълум қилди.