Украина энергия танқислиги юзага келган тақдирда Норвегиядан 1 миллиард еврога газ импорт қилишни кутмоқда.
Бу ҳақда Украина президенти Владимир Зеленский брифингда маълум қилди.
У Россиянинг газ омборлари ва газ ишлаб чиқариш инфратузилмасига ҳужумлари туфайли Украинада газ қазиб олиш камайганини эслатиб, кейинги иситиш мавсуми учун "зангори олов" етарли бўлмаслиги мумкинлигини таъкидлади.
"Газ омборларига, шунингдек, газ ишлаб чиқариш инфратузилмасига катта ҳужумлар бўлди. Бу куздан бери содир бўлди. Биз баъзи имкониятларни йўқотдик, улар қайта тикланмоқда. Аммо биз энергетика вазири Герман Галушченко билан газ таъминотини тўлиқ тиклай олмасак, бу тақчилликни қоплаш имкониятларини излаймиз, деб келишиб олдик. Биз ярим миллиард еврони қўлдан бой бердик.
Зеленский Норвегиядан зарур бўлса, 1 миллиард еврога газ импорт қилиш бўйича принципиал келишувга эришилганини таъкидлади.
"Мен Норвегия бош вазири Йонас Гар Стёре билан учрашдим. Биз аввалроқ Украина учун муҳим бўлган бир нечта масалаларни муҳокама қилган эдик. Мен ундан газ борасида ижобий сигнал олдим", - деди у.
Тошкентда андижонлик "доставкачи" йигитни зўрлаган 2 нафар аёл қамалди
Аёлларнинг пенсия ёши яна 6 ойга оширилди
Қирғизистонда фавқулодда ҳолат эълон қилинди
