Украина делегацияси Истанбулга етиб келди

Украина делегацияси Россия томони билан навбатдаги музокаралар учун Истанбулга етиб келди.

Бу ҳақда Украина ОАВлари хабар бермоқда.

14 кишидан иборат Украина делегациясига мудофаа вазири Рустем Умеров бошчилик қилмоқда.

Делегацияларнинг учрашуви куннинг иккинчи ярмига режалаштирилган.

Россия делегацияси кеча кечқурундан бери Истанбулда. Россия делегацияси раҳбари, Россия Федерацияси президентининг ёрдамчиси Владимир Мединский аввалроқ Россия можарони тинч йўл билан ҳал этиш бўйича меморандумнинг украинча версиясини украин ва инглиз тилларида олгани ҳақида хабар берган эди.