Ироқ ҳарбий қўмондони Саудия Арабистонига қилинган дрон ҳужуми учун ишдан бўшатилди

Ироқнинг Майсан вилояти қўмондони Саудия Арабистонидаги нишонларга Ироқ ҳудудидан қилинган ҳужумлар ортидан лавозимидан четлаштирилди.

Бу ҳақда Ироқ Бош вазири Али аз-Зайдий идораси маълум қилди.

Ушбу қарор юқорида айтиб ўтилган воқеадан сўнг тузилган махсус комиссия томонидан ўтказилган тергов натижасида қабул қилинди.

"Бош Вазир жаноби Олийлари Саудия Арабистони Қироллигидаги биродарларимизга қилинган ҳужумлар ушбу вилоят ичида жойлашган ҳудуддан амалга оширилгани тасдиқланганидан сўнг, Майсан вилоятидаги операциялар қўмондонини лавозимидан четлаштиришни буюрди", дейилади баёнотда.

Ироқ Ички ишлар вазирлиги ўзининг махсус кучлари махфий омбордан 47 та дрон ва 46 та ўқ-дори, шунингдек, бошқарув блоклари, батареялар ва бошқа тегишли ускуналар ва материалларни топиб, мусодара қилганини таъкидлади.

Тергов олиб борилмоқда.