Украина молия вазири Сергий Марченконинг маълум қилишича, Киев ва Вашингтон фойдали қазилмалар бўйича келишувда маълум даражада муваффақиятга эришган, бироқ бу ҳафта якуний битим имзоланмайди.
Икки томон бир ҳафта олдин АҚШ президенти Доналд Трамп томонидан илгари сурилган, аммо ҳанузгача амалга ошмаган Украинада минерал ресурсларни ривожлантириш бўйича келишувга эришиш йўлидаги дастлабки қадам сифатида меморандум имзолаган эди.
"Муайян илгарилаш бўлди ва ҳозирда жамоаларимиз жуда яқин ҳамкорликда ишламоқда," - деди у Украина элчихонасида ўтказилган тадбирдан сўнг. "Биз ҳали ҳам муҳокама қилаётган айрим масалалар бор," - дея қўшимча қилди у, бироқ тафсилотларни келтирмади.
