Германия Саноат ва Савдо Палатаси (DIHK) 23 000 та компания ўртасида ўтказилган сўровга асосланган янги тадқиқотига кўра, Германия иқтисодиёти кетма-кет учинчи йил таназзулга юз тутиши мумкин. Таҳлилчилар 2025-йилда мамлакат ялпи ички маҳсулоти яна 0,3 фоизга қисқаришини кутишмоқда.Бу ГФР тарихида мисли кўрилмаган ҳолат бўлади.
"Биз ҳаммамиз кутаётган иқтисодий тикланиш ҳали кўринмайди", деди DIHK раҳбари Элена Мелникова.
Асосий зарбалардан бири АҚШ билан савдо можаросининг оқибатлари. Доналд Трамп маъмурияти томонидан янги тарифлар жорий қилинганидан сўнг, немис компанияларининг 29 фоизи экспорт ҳажмининг пасайишини кутмоқда ва фақат 19 фоизи ўсишга умид қилмоқда.
Мамлакат ичида ҳам беқарорлик сезилмоқда. Тадбиркорлар сармояни қисқартирмоқда: фақат 19% ишлаб чиқаришни кенгайтиришга тайёр - бу антирекорд. Корхоналарнинг атиги 13 фоизи янги иш ўринлари яратишни, 22 фоизи эса ходимларни қисқартиришни режалаштирмоқда. Респондентларнинг деярли ярми (43%) аллақачон жиддий молиявий қийинчиликларга дуч келмоқда.
Янги коалициянинг энергия нархларини пасайтириш, давлат инвестицияларини ошириш ва солиқ имтиёзлари орқали бизнес ҳаётини осонлаштиришга ваъда берганига қарамай, аксарият компаниялар ҳали ҳам босимни ҳис қилишмоқда.
Сўровда қатнашган тадбиркорларнинг 59 фоизи давлатнинг иқтисодий сиёсатини ўз бизнеси учун энг жиддий таҳдид сифатида тилга олиб, юқори харажатлар ва бюрократиядан шикоят қилади.
Украина кутилмаганда ҳаво жангида ғалаба қозонди: F-16 Россиянинг Су-35 самолётини уриб туширди
“Келинг, шундай келишайлик: Биз Украинада бундай ракеталарни маълум миқдорда жойлаштирамиз"
Россия Маскка бошпана берадими?
