Ижтимоий тармоқларда Бухоро вилоятида бўз эчкиэмарга носвой чектирилиб, қийналгани акс этган видео тарқалди. Ҳолат вилоят Экология, атроф-муҳитни муҳофаза қилиш ва иқлим ўзгариши бошқармаси, вилоят прокуратураси ҳамда ички ишлар органлари ходимлари билан ҳамкорликда ўрганилди. Натижада ҳолат Жондор туманида яшовчи фуқаро — Ғ.Ғ. томонидан содир этилгани ва эчкиэмар қўйиб юборилгани аниқланди.
Маълумот учун, бўз эчкиэмар заиф, камайиб бораётган кенжа тур ҳисобланади ва Ўзбекистон Қизил китоби ҳамда CITESнинг I Иловасига киритилган.
Ҳуқуқбузарга нисбатан ҳайвонларга шафқатсиз муносабатда бўлганлик учун вилоят ИИБ томонидан Ўзбекистон Республикаси Маъмурий жавобгарлик тўғрисидаги кодексининг 111-моддаси 1-қисмига нисбатан баённома расмийлаштирилиб, ички ишлар органлари томонидан терговга қадар текширув ҳаракатлари ўтказилмоқда.
Юртимизда яна бир порахўр амалдор қўлга тушди!
Доллар курсида шиддатли пасайиш кузатилди
Мирзиёев "Бунёдкор"даги беллашувни Фицо билан биргаликда кузатмоқда
