Туск Россия ҳужуми бўлган тақдирда АҚШнинг Польшага ёрдам беришга тайёрлигига шубҳа билдирди

Польша Бош вазири Дональд Туск Россия ҳужуми бўлган тақдирда Қўшма Штатларнинг Варшавага ёрдам беришга тайёрлигига шубҳа билдирди.

Туск бу ҳақда Financial Times нашрига берган интервьюсида айтиб ўтди.

"Европа учун энг катта ва энг муҳим савол - бу Россия ҳужуми бўлган тақдирда Америка ишончли НАТО иттифоқчиси бўлишга тайёрми ёки йўқми", деди у, сиёсий ва логистик жиҳатдан тезкор жавоб бериш зарурлигини таъкидлаб.

Туск шунингдек, Европа Иттифоқини қитъани ҳимоя қилишда "ҳақиқий иттифоқ"га айланишга чақирди.

"Мен қисқа муддат, йиллар эмас, балки ойлар ҳақида гапиряпман. Биз учун ҳамма ўзининг НАТО мажбуриятларини Польша каби жиддий қабул қилишини тушуниш жуда муҳим", деди у.

Польша Бош вазири шунингдек, Европа Иттифоқи Россия иттифоқчиси деб ҳисоблаган Венгрия Бош вазири Виктор Орбан кетганидан кейин Европа Иттифоқи шартномасининг 42.7-моддасини - ўзаро ҳимоя бандини - қўллашни кўриб чиқишни таклиф қилди.

“Иттифоқ шунчаки қоғоз иттифоқдан кўпроқ бўлиши учун бизга ҳақиқий воситалар ва имкониятлар, жумладан, мудофаа ва мамлакатлар ўртасида қўшинларни ўтказиш соҳаларида ҳам керак. Шунинг учун менинг ҳозирги асосий вазифам ва миссиям Европани қайта интеграция қилишдир. Бу умумий мудофаа ва шарқий чегараларимизни ҳимоя қилиш учун биргаликдаги саъй-ҳаракатларни англатади”, деб хулоса қилди Туск.