Туркия чемпионатининг 34-туридан ўрин олган "Газиантеп" ва "Башакшеҳир" жамоалари ўртасидаги ўйин якунланди. Унда меҳмонлар 2:1 ҳисобида ғалаба қозонишди.
Учрашувнинг 6-дақиқасида истанбулликлар ҳисобни очишди: Аббос Файзуллаевнинг узатмасидан кейин Зельке тўпни дарвозага жойлади.
22-дақиқада эса "Газиантеп" дарвозасига пенальти белгиланди. Уни Элдор Шомуродов аниқ амалга ошириб, жамоасининг устунлигини оширди. Ўзбекистонлик футболчи учун ушбу гол жорий мавсумдаги 22-гол бўлди. У тўпурар баҳсида етакчилик қилаётган Пол Онуачу билан тенглашиб олди.
Иккинчи бўлимда мезбонлар битта тўп билан жавоб қайтарди. Аммо "Башакшеҳир" ғалабани ушлаб қолди ва мавсумни 57 очко билан 5-поғонада якунлади.
Аббос Файзуллаев ва Элдор Шомуродов ўйин охиригача майдонда ҳаракат қилди.
Нурмат Отабеков хантавирус бўйича ахборот билан чиқди
«Реал» ичидаги «сотқин» топилди
Яна бир давлат Эронга махфий равишда ҳужум уюштирган
