Туркия, Миср ва Исроил Ғазо секторидан ярадорларни эвакуация қилиш учун мувофиқлаштирувчи гуруҳ тузди.
Бу ҳақда Туркия соғлиқни сақлаш вазири Фахриддин Кўжа “Х” саҳифасида маълум қилди.
Унинг сўзларига кўра, у Мисрдан келган ҳамкасблари билан музокаралар олиб борган.
Вазир Ғазодаги Турк-Фаластин Дўстлик касалхонасидан Мисрдаги касалхоналарга онкологик беморларни, биринчи навбатда болаларни олиб ўтиш борасида эришилган келишувга эътибор қаратди: "Турк тиббиёт ходимлари Ғазодан келган беморларни мисрлик ҳамкасблари билан бирга даволайди. Иккинчи босқичда аҳволи имкон берган беморларни Туркияга самолётда жўнатиш режалаштирилган".
