"Туркия 10 йил олдин бундай вазиятларда қандай йўл тутиш кераклигини кўрсатганди"

Литва мудофаа вазири Россия қирувчи самолётлари NATO мамлакатлари ҳаво ҳудудини бузган тақдирда, уларни уриб туширишни таклиф қилди

Довиле Шакалене 2015 йилда Туркия Сурия билан чегарада ўз ҳудудига кирган Россиянинг Су-24 самолётини уриб туширганини эслатиб ўтди.

"Таллиннинг осмонида Россиянинг учта қирувчи самолётларининг пайдо бўлиши бу NATO'нинг “Шарқий қўриқчи” операцияси заруриятга айланганининг яна бир ишончли далилидир. Алянснинг шимоли-шарқий чегарасида бекорга назорат кучайтирилмади. Биз жиддий ҳаракат қилишимиз шарт. Туркия 10 йил олдин бундай вазиятларда қандай йўл тутиш кераклигини кўрсатганди. Бу ҳақда ўйлаб кўришимиз керак", — деб ёзди Довиле Шакалене Х ижтимоий тармоғида.

Эслатиб ўтамиз, кеча Эстония Россиянинг учта МиГ-31 қирувчи самолёти билан ўзининг ҳаво ҳудудини бузганини маълум қилди. Россия буни инкор қилмоқда.