Душанба куни тушдан кейин АҚШ долларининг Туркия лирасига нисбатан курси статистик маълумотлар эълон қилиниши ва жаҳон майдонларида АҚШ валютасининг кучайиши фонида илк бор 36,0015 лирага етгани савдо маълумотларидан маълум бўлди.
Шундан сўнг, долларнинг турк лирасига нисбатан курси 0,83 фоизга кўтарилиб, олдинги ёпилиш кўрсаткичи 35,6977 лирадан 35,9931 лирага етди.
Ўтган йилнинг июнь ойидан январь ойигача доллар ҳар ой лирага нисбатан қимматлашиб борди. Февраль ойининг биринчи савдо кунида ҳам долларнинг лирага нисбатан курси ўсишда давом этмоқда.
Душанба куни эртароқ Статистика институти (TÜİK) январь ойида Туркияда йиллик инфляция даражаси 42,12 фоизни ташкил этганини маълум қилди, бу эса 41,25 фоизлик прогноздан юқори бўлди.
Шу билан бирга, АҚШнинг савдо сиёсати билан боғлиқ хавотирлар туфайли доллар жаҳон валюталарига нисбатан қимматлашмоқда. Президент Доналд Трамп дам олиш кунлари Канада, Мексика ва Хитойдан келтирилаётган товарларга божхона тўловларини жорий этиш тўғрисидаги фармонларни имзолади. Трампнинг фармонларида, агар бирор мамлакат жавоб чораларини қўлласа, божхона тўловларини янада ошириш ҳам кўзда тутилган.
Канада АҚШга зарба берди
Яна қимматчилик! Озиқ-овқат бозорида қандай ўзгаришлар кутилмоқда?
Москвага ишонч йўқолмоқда: Хитой Россияни айланиб ўтишга ўтди!
