Турк клуби Аббосбек Файзуллаев учун 10-12 миллион евро сарфлашга тайёр

Туркиянинг «Истанбул Башакшеҳир» клуби Аббосбек Файзуллаевни ўз сафига қўшиб олмоқчи.

Туркиялик журналист Осман Алтунтеримнинг хабар беришича, клуб ва футболчи ўртасида музокаралар давом этмоқда.

Қайд этилишича, «Истанбул» 21 ёшли футболчининг трансферига 10-12 млн евро сарфламоқчи.

Томонлар келишувга эришадиган бўлса, Файзуллаев «Истанбул Башакшеҳир»даги иккинчи ўзбекистонлик футболчига айланади.

Ўтган мавсум Файзуллаев ЦСКА сафида барча турнирларда 39 ўйинда майдонга тушиб, 3та гол урди ва 8 ассистни қайд этган. Футболчининг «армиячилар» билан амалдаги шартномаси 2026 йил ёзигача тузилган. Transfermarkt портали унинг нархини 8 миллион еврога баҳолаган.