Тунис ва Марокашда Ғаза аҳолисига ҳамдардлик намойишлари бўлиб ўтди

Тунис ва Марокашда Исроилнинг Ғаза секторида амалга ошираётган геноцид ва очарчиликка қарши оммавий намойишлар ўтказилди. Тунис пойтахтидаги муниципал театр олдида Фаластин тарафдорлари уюшмаси чақирувига жавобан юзлаб фаоллар тўпланиб, Ғазадаги фожеаларга қарши чиқишди.

Барча ёшдаги одамлар иштирок этган акцияда намойишчилар геноцидни дарҳол тўхтатиш, блокадани бекор қилиш, чегараларни очиш ва гуманитар ёрдам ҳамда тиббий бригадаларни киритишни талаб қилди.

Фаоллар ҲАМАС ва фаластинлик қаршилик кучларини қўллаб-қувватлаб шиорлар айтди. Фаластин тарафдорлари уюшмаси вакили Мурад ал-Якубий:
«Биз сионистларнинг Ғазадаги геноциди ва жиноятларига қарши ҳар ҳафта акция ўтказишда давом этамиз. Бу — бурчимиз. Тунисликлар ғалаба қозонилгунча тўхтамайди», — деди.

Унинг сўзларига кўра, оғир шароитларга қарамай, қаршилик кучлари Исроил армиясига йўқотишлар етказишда давом этмоқда.