АҚШ президенти Дональд Трамп «Трут Сошиал» ижтимоий тармоғида Вашингтон яқинидаги Эндрюс ҳарбий-ҳаво базасида Хитой раҳбари Си Цзиньпин билан қизил гилам устида турган суратини жойлаштирди.
Бироқ мутахассислар сурат сунъий интеллект ёрдамида таҳрирланган бўлиши мумкинлигини айтмоқда. Дрексел университети маълумотлар таҳлили бўйича мутахассиси Мэттью Стамм «Франс Пресс» агентлигига берган интервьюсида суратда генератив сунъий интеллектга хос излар «деярли аниқ» кўринаётганини таъкидлади.
Унинг сўзларига кўра, Трамп жойлаштирган тасвирда президент кўк галстук ва фақат бир қўлқопда кўрсатилган. Оммавий ахборот воситалари тарқатган аввалги сурат ва видеоларда эса Трамп чизиқли галстук таққан ва икки қўлига ҳам қўлқоп кийган. Мутахассис, шунингдек, сурат орқа фонидаги аёлнинг пойабзали ҳам бошқача эканини қайд этган.
Аввалроқ Трампнинг Си Цзиньпин билан учрашуви пайтида совуқдан қийналаётгани акс этган сурат ва видеолар тарқалган эди. Айрим шарҳловчилар президентнинг ҳарорат тахминан 18 даража бўлган шароитда қўлқоп ва пальто кийганига эътибор қаратган.
Россияда бир ҳафта ичида касалланганлар сони қарийб 1 миллионга етди
Нетаняху нутқи пайтида зални тарк этган давлатлар рўйхати
Ўзбекистонда дам олиш кунлари об-ҳаво кескин ўзгаради
