Трамп Зеленскийга Путин билан Москвада учрашишни таклиф қилгани айтилди.
Дональд Трамп Владимир Зеленскийга Россия президенти Владимир Путин билан Москвада учрашишни таклиф қилгани ҳақида хабар тарқалди.
Bloomberg агентлиги 25 сентябрь куни хабар беришича, АҚШ президенти бу таклифни БМТ Бош Ассамблеяси доирасида Зеленский билан учрашуви чоғида билдирган. Агентлик манбаларига кўра, Украина президенти таклифни рад этган ва ундан норози бўлган.
Бироқ кейинроқ Украина президенти офиси Трамп Зеленскийга Москвага боришни таклиф қилгани ҳақидаги маълумотни рад этди. Бу ҳақда Financial Times мухбири Кристофер Миллер хабар берди.
Аввалроқ Владимир Путин Зеленскийни Москвада қабул қилишга тайёрлигини бир неча бор билдирган. Зеленский эса бундай таклифларни «ўйинлар» деб атаб, учрашув учун Швейцария ёки Туркия каби нейтрал давлатни таклиф қилган.
23 сентябрь куни Зеленский Россия давлат телеканали «Россия-1» мухбири Москвага қачон бориши ҳақида берган саволига ҳазил тариқасида «ракетада учиб бораман», деб жавоб берган.
Россияда бир ҳафта ичида касалланганлар сони қарийб 1 миллионга етди
Нетаняху нутқи пайтида зални тарк этган давлатлар рўйхати
Зеленский ёмон хабар олди
