АҚШ расмийлари 23 сентябрь куни Сурияга 36 та ўғирланган қадимий осори-атиқаларни қайтарганини маълум қилди. Улар орасида ИШИД террорчилари Палмирадаги қадимий обидаларни вайрон қилган пайтда ноқонуний олиб чиқиб кетилган тош ҳам бор. Бу ҳақда Al Arabiya хабар берди.
Маълум қилинишича, умумий қиймати 5 миллион доллардан ошадиган бу буюмлар Нью Йоркдаги Метрополитен санъат музейи ҳамда бир қанча коллекционерлардан мусодара қилинган. Манхеттен округ прокурори Алвин Браггнинг айтишича, маданий меросни асраш ҳар қандай чегара ва миллат тушунчасидан устун туради.
Маълумотларга кўра, оғирлиги 450 килограммдан ошадиган оҳактош ЮНЕСКО Бутунжаҳон мероси рўйхатига киритилган Палмира шаҳридан олиб чиқиб кетилган. Кейинчалик, 2015–2017 йилларда ИШИД аъзолари ушбу қадимий шаҳарнинг катта қисмини портлатиб, йўқ қилиб ташлаган эди.
Бу йўнилган тош ҳайкалда ётган эркак ҳамда унинг атрофидаги аёл ва уч нафар бола тасвирланган.
Қайтарилган осори-атиқаларнинг тўрттаси америкалик коллекционер Майкл Стейнхардтдан тортиб олинган. У 2021 йилда АҚШ ҳукумати билан тузилган битим доирасида дунё бўйлаб ўғирланган, умумий қиймати 70 миллион долларга тенг 180 га яқин экспонатни топширганди.
Метрополитен музейидан мусодара қилинган 13 та буюм эса прокуратура томонидан 2017 йилдан бери ушбу муассасадан олиб қўйилган 98,7 миллион долларлик 402 та осори-атиқа қаторига киради.
Россияда бир ҳафта ичида касалланганлар сони қарийб 1 миллионга етди
Зеленский ёмон хабар олди
Taftish.uz таҳририяти ва ДХХ ходимларига ҳукм ўқилди!
