Трампнинг савдо божлари АҚШ доллари ва “Америка асри” гегемонлигига якун ясаши мумкин — Euractiv

"Божларнинг жорий этилиши, албатта, Европа учун ёмон хабар, бироқ улар таҳлилчиларга кўра, АҚШнинг ўзи учун “потенциал ҳалокатли” бўлиши мумкин. Бу ҳолат Европада ЯИМининг камайишига олиб келади, аммо бу камайиш Қўшма Штатлардаги ишлаб чиқариш ҳажмидагидан анча кам бўлади", деб ёзади нашр мутахассисларнинг фикрига таяниб.

Қайд этилишича, Трампнинг протекционистик сиёсати ва умумий беқарорлик глобал иқтисодиётда туб ўзгаришларни келтириб чиқариши мумкин. Бу эса Европа Иттифоқи ва АҚШ ўртасидаги муносабатларни ўзгартириши, кўп қутблилик жараёнини тезлаштириши ва долларнинг гегемонлигига якун ясаши мумкин.