Ўзбекистонда ўта хавфли юқумли касаллик тарқатувчи “уйғонди”

Санепидқўмита ўта хавфли юқумли касаллик тарқатувчи “уйғонганини” айтиб, огоҳликка чақирди.

Санепидқўмита бош мутахассисининг таъкидлашича, қрим-конго геморрагик касаллиги бу каналар чақиши оқибатида келиб чиқадиган ўта хавфли юқумли касаллик ҳисобланади. Бу касалликни юқтириб олмаслик учун қуйидаги қоидаларга амал қилиш талаб этилади:

• Чорва моллари танасидаги каналарни қўллар билан териб олмаслик;
• Уларни ўлдирмаслик;
• Агар чорвада каналар бор бўлса ҳудуддаги ветеринария ходимларини чақириб, каналардан тозалаш чораларини кўриш;
• Тоғ-адирга чиққанда, кана чаққан тақдирда тиббиёт ходимларига мурожаат қилиш.

Касалликнинг асосий белгилари:

• Тўсатдан иситма;

• Бош оғриғи;

• Мушак ва бел оғриғи;

• Кўнгил айниши, қусиш;

• Ич кетиш ёки қон аралаш нажас;

• Геморрагик (қон кетиш билан боғлиқ) ҳолатлар — яъни, бурундан, милкдан қон кетиши, тери остига қон қуйилиши ва ҳ.к.