АҚШ биринчи хоними Мелания Трамп Оқ уйда Россия ва Украина вакиллари билан учрашув ўтказди. Унда Украина томонидан Олий Раданинг “Халқ хизматчиси” фракцияси раҳбари Давид Арахамия ва омбудсман Дмитрий Лубинец иштирок этди. Улар Мелания Трампга И даражали “Княгиня Олга” орденини топширди.
"Президент Зеленский ва Украина халқига раҳмат", — деди Мелания Трамп.
Россия томонидан эса президентнинг махсус вакили Кирилл Дмитриев ва омбудсман Яна Лантратова қатнашди. АҚШнинг биринчи хоними ҳар икки давлат вакилларига Владимир Путин ва Володимир Зеленскийга аталган мактубларни топширди.
Учрашувнинг асосий мавзуси Херсон вилоятидаги Олешки шаҳрида ўтказилган гуманитар амалиёт бўлди. Ушбу амалиёт давомида бир неча юз киши эвакуация қилинди. Жараён Лантратова ва Лубинецнинг бевосита иштирокида, Мелания Трампнинг воситачилигида ташкил этилган. Эвакуация давомида вақтинчалик оташкесим эълон қилиниб, унга бир неча кун риоя этилди.
Мелания Трамп мазкур амалиёт кенгроқ тинчлик жараёни сари дастлабки қадам бўлишига умид билдирди.
"Майли мени ўлдиришсин. Лекин... "
Актриса Нилуфар Ҳамидова 7 суткага қамалди
Хакерлар 27 миллиондан ортиқ ўзбекистонликнинг шахсий маълумотлари сақланган базани бузиб кирди
