Кэти Захариянинг муваффақиятсизлигидан сўнг АҚШ президенти Дональд Трампга янги матбуот котиби зарур бўлиб қолди. Кўтилмаганда, унинг коммуникациялар бўйича директори Стивен Чунг президентнинг Air Force One самолёти бортида бўлиб қайтган репер Ники Минажни ушбу лавозимга номзодлар қаторида тилга олди.
«Хонумлар ва жаноблар, менимча, биз Оқ уйнинг янги матбуот котибини топдик шекилли!», — деб ёзди Чунг X (собиқ Twitter) тармоғида.
Оқ уйнинг расмий аккаунти эса Чунгнинг постига кўп маъноли эмодзи билан муносабат билдирди.
BILD таҳририятининг фикрича, бу шунчаки ҳазил бўлиши эҳтимоли жуда юқори. Трампга ошкора тан беришини билдирган Ники Минажнинг сўзларига кўра, президент «иқтисодни яхши тушунади» ва ташқи сиёсатда «жуда қатъиятли», чунки у бошқа мамлакатларга «уларга нима кераклигини эмас, бизга нима кераклигини» айтади. Бундан ташқари, Минаж Американинг бошқа давлатларга «хушомад қилиш» учун ортиқ пул тўламаяпганидан мамнунлигини билдирган.
Суперюлдуз президент самолёти бортига бежизга чиқиб қолмаган: у Трамп билан бирга Мичиганга, сайловолди тадбирида чиқиш қилиш учун учиб келган эди. Конгрессга сайловлар олдидан президентга ҳар қандай қўллаб-қувватлов зарур.
Мичиганда Минаж ўзини Трампнинг «биринчи рақамли мухлиси» деб атади ва амалда унга бўлган хайрихоҳлигини тан олди: «Мен уни жуда яхши кўраман». Бу симпатия ўзаро экани кўриниб турибди. Трамп Минажни «рэп қироличаси» ва «бутунлай бўлакча инсон» деб атади.
📌 Маълумот учун: Минажнинг ҳақиқий исми — Оника Таня Мараж. У 1982 йилда Тринидад ва Тобагода туғилган, кейинчалик Нью-Йоркда катта бўлган. Унинг 2010 йилги «Pink Friday» дебют альбоми унга халқаро муваффақият келтирган. Бугунги кунда Минаж дунёдаги энг машҳур рэп ижрочиларидан бири ҳисобланади. Унинг шахсий бойлиги 150 миллион доллардан ортиқ деб баҳоланмоқда.
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
Дунёдаги энг йирик йўловчи самолёти Москвага қўна олмаяпти — ОАВ
