Оммавий ахборот воситалари Дональд Трампнинг миллий хавфсизлик бўйича бўлажак маслаҳатчиси деб атайдиган флоридалик республикачи конгрессмен Майк Уолтц сайловдан бироз олдин берган интервьюсида АҚШнинг янги сайланган президенти қандай қилиб Украина ва Россия Федерациясини тинчлик битими тузишга мажбурлаши мумкинлиги ҳақида гапирган эди.
Уолтцнинг таъкидлашича, Россия президенти Владимир Путинга босим ўтказиш, Россия Федерациясининг нефть ва газ экспортидан келадиган даромадларини қисқартириш, бунинг учун санкцияларни кучайтириш ва Америка энергия ресурсларини сотишни кўпайтириш, шунингдек, Украинани узоққа отиш қуроли билан таъминлаш керак. Унинг сўзларига кўра, агар Россия президенти "Трамп режасидан" воз кечса, бу амалга оширилиши мумкин.
"Энг аввало, Россияга қарши энергетика санкцияларини кучайтириш керак эди. Россия аслида ядровий арсенали бор бензин колонкасига ўхшайди. Ҳозир Путин урушдан олдингига қараганда кўпроқ нефть ва газ сотмоқда - Хитой ва Ҳиндистон орқали. Агар буни ўз энергетикамизни ривожлантириш ва суюлтирилган газ экспортига чекловларни олиб ташлаш билан бирлаштирсак, унинг иқтисодиёти ва ҳарбий машинаси тезда ўз ресурсларини тугатади," - деди Майк Уолтц.
У Украинага босим ўтказишнинг аниқ усулларини келтирмади, лекин "бизда Зеленскийга таъсир ўтказиш учун етарли дастаклар бор," деди.
«Қиёмат музлиги» кутилганидан тезроқ хавф сола бошлади
Ер юзининг энг гўзал аёли аниқланди
Афғонистон варианти Украина учун мос деб топилди
