Пентагон АҚШдаги ўқ-дорилар захираси билан боғлиқ муаммони ҳал қилиш мақсадида фавқулодда йиғилиш ўтказди. NBC телеканали манбаларига кўра, учрашув АҚШ президенти Дональд Трампнинг «ғазабланган қўнғироғи»дан кейин ташкил этилган.
Телеканал манбалари учрашувни «инқироз билан боғлиқ» деб таърифлаган. Бироқ Оқ уй NBCнинг йиғилиш ҳақидаги хабарини «100 фоиз ёлғон хабар» деб рад этди. Шунга қарамай, телеканалнинг тўртта манбаси йиғилиш ҳақиқатдан ҳам бўлиб ўтганини тасдиқлаган.
Маълум бўлишича, Пентагон раҳбариятидаги юқори лавозимли амалдор ҳарбий қўмондонлар ва қурол-яроғ таъминоти учун масъул расмийларни «шошилинч равишда» йиғилишга чақирган.
Учрашув Трампнинг Мудофаа вазири ўринбосари Стивен Файнберг билан суҳбатидан кейин бўлиб ўтган. Суҳбат давомида АҚШ президенти ўқ-дорилар етишмаслиги Эрондаги ҳарбий ҳаракатларни кенгайтиришга тўсқинлик қилаётганидан норозилигини билдирган.
Трамп Файнбергдан Пентагоннинг ҳарбий операциялари ҳақида батафсил маълумот сўраган. NBC манбаларига кўра, президент ҳатто уни лавозимидан озод қилиш масаласини ҳам кўтарган.
Файнберг АҚШдаги қурол-яроғ ва ўқ-дорилар етишмаслиги муаммосини ҳал қилишда муҳим роль ўйнаши айтилмоқда.
Аввалроқ Трамп АҚШда «катта миқдорда ўқ-дорилар захираси» мавжудлигини таъкидлаган ва Америка армиясида ўқ-дорилар етишмаётгани ҳақида маълумот тарқатганларни қамоқ билан таҳдид қилган эди.
Бу баёнот «Вашингтон Пост» АҚШ президенти Пентагон раҳбари Пит Ҳегсетдан ўқ-дорилар захираси етишмаслиги бўйича тушунтириш талаб қилгани ҳақида хабар берганидан кейин янграган.
Саудия Арабистони валиаҳд шаҳзодаси Трампни Эронга қарши бошқа ҳужумлар уюштирмасликка чақирди
Марказий Осиёда энг кўп олтин кимнинг қўлида жам бўлган?
Президент таътилдан уйига қайтаётганда автоҳалокатга учради
