Трампнинг баёнотларидан кейин SpaceX аэрокосмик компанияси Dragon кемаларини фойдаланишдан чиқарилади

SpaceX аэрокосмик компанияси АҚШ Миллий аэронавтика ва космик маъмурияти (NASA) томонидан Халқаро космик станцияга (ХКС) одамлар ва юкларни етказишда кенг қўлланиладиган Dragon космик кемасини фойдаланишдан чиқаришни бошлайди.

Бу ҳақда компания эгаси Илон Маск Х ижтимоий тармоғида ёзди.

"АҚШ Президентининг менинг ҳукумат шартномаларимни бекор қилиш ҳақидаги эълонини ҳисобга олиб, SpaceX ўзининг Dragon космик кемасини зудлик билан фойдаланишдан чиқаришни бошлайди" - деди тадбиркор.

Трамп аввалроқ "АҚШ бюджетида пул тежашнинг энг осон йўли бу Маск учун давлат субсидиялари ва шартномаларини тугатишдир", деб айтган эди.

Эслатиб ўтамиз, Dragon — NASA Commercial Orbital Transportation Services (COTS) дастури доирасида SpaceX томонидан ишлаб чиқилган транспорт космик кемаси бўлиб, фойдали юкларни ХКСга етказиш ва уларни Ерга қайтариш учун мўлжалланган.

Dragon - ХКСдан Ерга юкларни қайтарадиган дунёдаги ягона юк космик кемаси. Ушбу қурилманинг ишдан чиқарилиши NASAнинг ХКСдаги миссияларига жиддий таъсир кўрсатиши мумкин.