Трампнинг АҚШ ҳарбийларини Афғонистондаги Баграм авиабазасига қайтариш истаги қандай амалга оширилиши номаълум — Reuters

Бу режа Афғонистонга янги босқин сифатида қабул қилиниши мумкин, деб ёзмоқда агентлик ҳозирги ва собиқ америкалик амалдорлардан олинган маълумотларга таяниб.

Уларнинг айтишича, Баграм авиабазасидан фойдаланишни тиклаш учун у ерга 10 мингдан ортиқ ҳарбий хизматчи ва замонавий ҳаво мудофаа тизимларини жойлаштириш талаб қилинади. Шунингдек, авиабаза атрофидаги ҳудудни назорат остида ушлаб туриш керак бўлади.

"Шу билан бирга, расмий равишда Вашингтон ҳозирча бундай қадамни режалаштиримаяпти. Баграмни Афғонистондаги хавфлардан ташқари, Эрон томонидан бўладиган эҳтимолий ракета ҳужумларидан ҳам ҳимоя қилиш зарур", дейилади Reuters мақоласида.