Трампдан кейинги таҳлика: Америкаликлар оммавий захира тўплашга ўтди

The Independent: Америкаликлар Трамп томонидан бож тўловлари жорий этилиши сабабли кундалик эҳтиёж товарларини кўпроқ сотиб олишни бошлади

Нашр маълумотларига кўра, АҚШ фуқаролари барча маҳсулотларни одатдагидан икки баравар кўп сотиб олишмоқда, шунингдек, арзон брендлар ва узоқ муддат сақланиши мумкин бўлган маҳсулотлар харид қилинмоқда.

Bloomberg'нинг хабар беришича, Аmazon Хитой ва бошқа Осиё мамлакатларидан келтирилувчи бир қатор маҳсулотлар бўйича буюртмаларни бекор қилган.

Агентлик манбаларининг сўзларига кўра, бундай маҳсулотлар бўйича буюртмалар 2 апрел куни Қўшма Штатлар президенти Доналд Трамп томонидан 180 дан ортиқ мамлакат ва ҳудуддан, жумладан, Хитой, Ҳиндистон, Вьетнам ва Таиланддан импортга бож тўловлари киритилиши ҳақидаги қарор эълон қилинганидан кейин бекор қилинган.