Трамп Зеленский минераллар бўйича келишувни имзолашдан бош тортса, унга "катта муаммо" бўлишини ваъда қилди

Украина етакчиси Владимир Зеленский ноёб ер минераллари бўйича "келишувдан узоқлашишга" ҳаракат қилмоқда.

Бу ҳақда АҚШ президенти Дональд Трамп Оқ уй матбуот ҳавзаси журналистлари билан суҳбат чоғида маълум қилди.

"У ноёб ер келишувидан узоқлашишга ҳаракат қилмоқда. Ва агар шундай қилса, у қандайдир муаммоларга дуч келади. Катта, катта муаммолар. У НАТОга аъзо бўлишни хоҳлайди, лекин ҳеч қачон НАТОга аъзо бўла олмайди", - деди Трамп.

У, шунингдек, Эронга қарши иккинчи даражали божлар жорий этиш бўйича қарор қабул қилмоқчи эканлигини таъкидлади.

"Агар улар келишувга эришмасалар (Эрон ядровий келишуви, мен тўрт йил аввал қўйганимдек, уларга нисбатан иккиламчи божлар жорий қилиш эҳтимоли бор", — дея хулоса қилди Америка раҳбари.