Трамп йирик бизнесменни АҚШнинг Буюк Британиядаги элчиси этиб тайинламоқчи

АҚШнинг сайланган президенти Дональд Трамп Stephens Inc. инвестиция компанияси раҳбари Уоррен Стивенс номзодини Қўшма Штатларнинг Буюк Британиядаги элчиси лавозимида ишлаш таклифини илгари суришини айтди.

“Мамлакатдаги энг муваффақиятли ишбилармонлардан бири Уоррен Стивенс АҚШнинг Сент-Джеймс судидаги элчиси лавозимига таклиф қилинганини, бу ролда у Буюк Британиядаги бизнинг вакилимиз сифатида хизмат қилишини мамнуният билан эълон қиламан" - деб ёзди Трамп ўзининг Truth Social саҳифасида.

67 ёшли Стивенс “Американинг энг қимматли иттифоқчиларидан бири” бўлган мамлакатда Вашингтон номидан қатнашади, деди Трамп. АҚШда дипломатик миссиялар раҳбарлари лавозимига президент томонидан таклиф қилинган номзодлар аввало Сенат томонидан тасдиқланиши керак.