Трамп Япония парламент сайловлари олдидан Бош вазир Такаитини қўллаб-қувватлади

АҚШ президенти Дональд Трамп Япония парламент сайловлари олдидан амалдаги Бош вазир Санаэ Такаитини қўллаб-қувватлашини билдирди.

Трамп бу ҳақда Truth Social ижтимоий тармоғида тегишли пост қолдирди.

"Буюк Япония халқи 2026 йил 8 февраль, якшанба куни жуда муҳим парламент сайловларини ўтказади. Бош вазир Санаэ Такаити ўзини кучли, таъсирчан ва доно раҳбар сифатида исботлади, у ўз мамлакатини чинакам севади. Такаити ўзи ва унинг коалицияси қилаётган ишлари учун улкан эътирофга лойиқ инсон ва шунинг учун Қўшма Штатлар президенти сифатида мен уни ва унинг жуда ҳурматга сазовор коалицияси нимани ифодалашини тўлиқ ва тўлиқ қўллаб-қувватлашимни билдиришдан фахрланаман. У Япония халқини тушкунликка туширмайди!”, деб ёзган Трамп.

Америка етакчиси шунингдек, Такаитининг 19 мартга режалаштирилган Оқ уйга ташрифини интиқлик билан кутаётганини қўшимча қилди. "Японияга ташрифим давомида мен ва барча вакилларим жуда таъсирландик. Миллий хавфсизлик масалаларидан ташқари, Қўшма Штатлар ва Япония иккала мамлакат учун ҳам жуда фойдали бўлган жуда муҳим савдо шартномасини тузиш учун яқиндан ҳамкорлик қилди”, деб таъкидлади у.