Трамп яна Гренландия ва Канадани "қўшиб олиш" ҳақида гапирди

АҚШ президенти Дональд Трамп Канада АҚШ таркибига ҳарбий куч билан қўшилишини реал деб ҳисобламаслигини айтди.

NBC News телеканалига берган интервьюсида у шундай деди:
«Ўйлайман, биз бу нуқтага етиб бормаймиз. Гренландия билан боғлиқ нимадыр содир бўлиши мумкин — очиғини айтсам, у бизга миллий ва халқаро хавфсизлик учун керак. Лекин бу [куч билан ҳал этиш] жуда эҳтимолсиз. Канада билан эса мен бундай вариантни умуман кўрмаяпман».

Шу билан бирга, Трамп Канада АҚШ таркибига кирса, у “қимматли штат”га айланишини таъкидлади:
«Харитага қарасам, кўп йиллар олдин линейка билан чизилган сунъий чизиқдан бошқа ҳеч нарса йўқ. Канада қандай ажойиб мамлакатга айланиши мумкинлигини тасаввур ҳам қилолмайсиз».

Трамп аввалроқ бир неча бор канадаликлар орасида АҚШ таркибига қўшилиш тарафдорлари кўп эканини айтган ва бундай бирлашув Канадага иқтисодий барқарорлик ҳамда ташқи таҳдидлардан ҳимоя олиб келишига ишонч билдирган.