Трамп: "ХАМАС ҳазиллашмаётганимни билади"

АҚШ президенти Дональд Трамп, агар Фаластиннинг ХАМАС ҳаракати ихтиёрий равишда қуролларини ташлашдан бош тортса, куч билан қуролсизлантирилишини айтди.

Трамп бу ҳақда Оқ уйда аргентиналик ҳамкасби Хавьер Милей билан учрашув чоғида айтиб ўтди.

"Улар қуролсизланамиз, дейишди. Агар йўқ бўлса, биз уларни қуролсизлантирамиз. Қандай қилиб тушунтиришим шарт эмас, лекин улар ҳазиллашмаётганимни билишади", - дея таҳдид қилди Америка раҳбари.

Эслатиб ўтамиз, аввалроқ Трамп Ғазо тинчлик келишувининг иккинчи босқичи бошланганини, унинг шартларидан бири ХАМАСни қуролсизлантиришни эълон қилган эди. Al Arabiya телевидениесининг ХАМАС вакилларига таяниб хабар беришича, улар бу масалани "мураккаб ва чалкаш" деб билишади.