АҚШ президенти Дональд Трамп Венесуэлани Америка Қўшма Штатлари таркибига 51-штат сифатида қўшиш ва у ерда президент ўрнига губернатор сайловини ўтказишни таклиф қилди.
Америка етакчиси бу ҳақда Техас штатидаги Корпус-Кристи шаҳрида бўлиб ўтган сайловолди митингида баёнот берди.
«Венесуэлага миннатдорчилик билдирмоқчиман. Бизнинг муносабатларимиз жуда яхши, ажойиб даражага етди», — деди Трамп.
Унинг сўзларига кўра, Венесуэлани фаровон келажак кутмоқда ва келажакда мамлакат АҚШнинг бир қисмига айланиши мумкин.
«Ким билади, эҳтимол, яқин орада у фаровон 51-штатга айланар. Бунинг имкони бор. Келинг, уни 51-штатга айлантирамиз», — деди АҚШ президенти.
Трамп, шунингдек, Венесуэладаги бошқарув тизимини ўзгартиришни таклиф қилди.
«У ерда президент эмас, губернатор сайловини ўтказамиз. Бу ғоя сизларга қандай? Ёқдими? Менга ёқди», — дея митинг иштирокчиларига мурожаат қилди у.
Бундан ташқари, Америка етакчиси АҚШ ва Венесуэла ўртасида йирик нефть келишуви тузилганини эслатди.
«Энди бизда бошқа ҳар қандай мамлакатдан, ҳатто қолган барча мамлакатларни биргаликда олганда ҳам кўпроқ нефть бор», — деди Трамп.
Унинг қўшимча қилишича, Венесуэла нефти Техасдаги корхоналарда қайта ишланади.
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
Дунёдаги энг йирик йўловчи самолёти Москвага қўна олмаяпти — ОАВ
