Трамп Украинадаги урушни "Байден уруши" деб атади

Доналд Трамп Россия ва Украина ўртасидаги уруш Жо Байденнинг ҳаракатлари оқибати эканлигини билдирди.

Трампнинг айтишича, у бу можарога алоқадор эмас ва агар президентлик лавозимида қолганида, унинг олдини олишга қодир бўларди. У таъкидлашича, тўрт йиллик президентлиги даврида бу масала юзасидан ҳеч қандай муаммо юзага келмаган, президент Путин ва жаҳон етакчилари унинг раҳбарлигини ҳурмат қилишган.

"Бу Байденнинг уруши, меники эмас. Унинг бошланишига мен алоқадор эмасман, аммо ўлим ва вайронагарчиликни тўхтатиш учун астойдил ҳаракат қилмоқдаман," дея Трамп Truth Social ижтимоий тармоғида ёзди.

Шунингдек, Трамп агар 2020 йилги президентлик сайловлари "сохталаштирилмаганда," урушнинг олдини олиш мумкин бўлганини таъкидлади.

"Президент [Владимир] Зеленский ва қўли эгри Жо Байден бу бемаъниликнинг бошланишига йўл қўйиб, мутлақо даҳшатли иш қилишди," дея таъкидлади Оқ уй раҳбари.

У бу можаронинг олдини олиш учун кўплаб усуллар мавжуд бўлганини айтди, аммо ҳозир энг муҳими, унинг фикрича, уни иложи борича тезроқ тўхтатишдир.