Трамп: "Украинада ўт очишни тўхтатиш "энди керак эмас"

АҚШ президенти Дональд Трамп Украинада тинчлик келишувидан олдин ўт очишни тўхтатиш келишувига эришилишига ишонмайди.

Америка етакчиси Оқ уйда украиналик ҳамкасби Владимир Зеленский билан учрашувда ўз нуқтаи назарини билдирган.

Трампнинг сўзларига кўра, Украинада ўт очишни тўхтатиш "энди керак эмас" ва мақсад вақтинчалик ўт очишни тўхтатиш эмас, балки узоқ муддатли тинчликдир.

"Ўт очишни тўхтатиш бўлмайди, деб ўйлайман. Улар урушаётган пайтда тинчликка интилишга рози бўлишимиз мумкин" - деди АҚШ президенти.

Шунингдек, у Киевнинг Америка қуролларини сотиб олишда муаммолари борлигини таъкидлади.