Трамп Украина ёрдами орқали жаннатга кирмоқчи эди

The New York Times ёзганига кўра, АҚШ президенти Дональд Трамп глобал можароларни — хусусан, Ғазо ва Украинадаги инқирозларни — “жаннатдан жой олиш” учун ҳал этишга уринмоқда.

“У охирги икки марта жаннат ҳақида гапирди — бу Ғазода оташкесимга эришиш ва Украинада тинчлик келишувини таъминлаш ҳақидаги саъй-ҳаракатлари муносабати билан бўлди. У бу ҳаракатларни ўзини оқлаш учун далил сифатида кўрсатди”, — деб ёзади нашр.

Мақола муаллифларининг таъкидлашича, омма олдида ўзини таҳлил қилишни деярли ҳеч қачон амалга оширмайдиган Трамп учун маънавий мавзулардаги бундай мулоҳазалар ғалати туюлади. Шу билан бирга, унинг айрим диний тарафдорлари бу баёнотларни сиёсатчининг “ўз ёшидаги кўпчилик сингари экзистенциал саволлар билан курашаётганининг белгиси” сифатида баҳолаган.

Август ойида Трамп “жаннатга киришга ҳаракат қилаётганини” айтган эди:

“Бир ҳафтада етти минг инсон ҳаётини тузатиб бўлмайди. Менимча, бу яхши иш; имкони бўлса жаннатга киришга ҳаракат қиламан. (…) Агар жаннатга тушсам, бунинг сабабларидан бири шу бўлади. Ўйлайманки, Ҳиндистон ва Покистон билан муносабатларимда кўп одамларнинг ҳаётини сақлаб қолдим,” — деган эди АҚШ раҳбари.