Трамп Украина ва Россия келишувга эриша олмаслиги мумкинлигини твн олди

АҚШ президенти Дональд Трамп Украина масаласида тинчлик келишувига эришиш имконияти бўлмаслиги мумкинлигини тан олди ва бундай ҳолда Вашингтон музокаралардан чиқиши мумкинлигини айтди.

NBC News телеканалига берган интервьюсида у шундай деди:

«Шундай вақт келадики, мен бундай дейман: эҳтимол, мен бунга эриша олмайман, ёки бу умуман мумкин бўлмайди».

Трамп, шунингдек, АҚШ Украина билан Америкаликлар учун фойда келтирувчи келишувга эришганини айтди, айниқса, камёб ер металлари соҳасида. У АҚШ урушдаги тарафлардан бири билан келишувга яқинроқ эканини билдирди, аммо қайси тараф эканини очиқламади.

У яна Россиянинг Украинага қарши уруши «Байден уруши» эканини таъкидлаб, агар у президент бўлиб қолганида бундай вазият юз бермаслигини айтди. Шу билан бирга, у АҚШ учун қабул қилинадиган ечимга эришиш мумкинлигига ишонч билдирди, аммо бу мутлақо амалга ошмаслиги эҳтимолини ҳам инкор этмади.

«Зеленский ва Путин, шунингдек, айрим аскарлар ва генераллар ўртасида катта нафрат бор. Улар уч йилдан бери шафқатсиз уруш олиб бормоқда. Менимча, келишувга эришиш имкониятларимиз жуда яхши», — деди Трамп.

2 май куни АҚШ Давлат департаменти матбуот хизмати раҳбари Тэмми Брюс Вашингтон Москва ва Киев ўртасида воситачи бўлишга тайёрлигини билдирди, бироқ бу позиция музокараларда силжиш бўлмаса ўзгариши мумкинлигини қайд этди.