Трамп: "Украина ўз худудларини қайтариб олишига ишонаман"

АҚШ президенти Дональд Трамп Украина Европа Иттифоқи кўмагида босиб олинган барча ҳудудларини қайтариб олиши мумкинлигини инкор этмади.

Бу ҳақда Америка етакчиси Truth Social ижтимоий тармоғида Нью-Йоркда БМТ Бош Ассамблеясининг 80-сессияси доирасида Украина президенти Владимир Зеленский билан бўлиб ўтган учрашувдан сўнг ёзди.

"Украина ва Россия ўртасидаги ҳарбий ва иқтисодий вазиятни ўрганган ва тўлиқ тушунган ва бу Россияни келтириб чиқараётган иқтисодий муаммоларни кўрганимдан сўнг, Украина Европа Иттифоқи кўмагида жанг қилиш ва бутун Украинани асл ҳолатига қайтариш имкониятига эга эканлигига ишонаман. Вақт ўтиши билан сабр-тоқат ва Европадан, хусусан, НАТОдан молиявий кўмак, нима учун бу урушнинг асл чегарасига қайтиш мумкин эмас?" деб ёзган Трамп.

Унинг қўшимча қилишича, Россия 3,5 йил давомида ҳақиқий ҳарбий куч бир ҳафтадан камроқ вақт ичида ғалаба қозониши керак бўлган урушда беҳуда кураш олиб бормоқда: “Аслида, улар "қоғоз йўлбарс"га ўхшаб кўриняпти”. “Путин ва Россия КАТТА иқтисодий муаммога дуч келишди, ҳозир эса Украина ҳаракат қилиш вақти келди. Нима бўлганда ҳам, мен иккала давлатга ҳам яхшилик тилаб қоламан, НАТО уларга қурол етказиб беришда давом этишини хоҳлаймиз. Ҳаммага омад!" - деб хулоса қилди Трамп.