Италия бош вазири Джорджа Мелони, агар икки шарт бажарилса, Фаластинни тан олиш мумкин, деб айтди: барча гаровга олинганларни озод қилиш ва ХАМАСни ҳокимиятнинг исталган шаклидан четлатиш.
Мелони бу ҳақда БМТ Бош Ассамблеяси чоғида айтиб ўтди.
"Ҳукмрон кўпчилик парламентга резолюция тақдим этади, унда Фаластинни тан олиш икки шартнинг бажарилишига боғлиқ: барча гаровга олинганларни озод қилиш ва ХАМАСни Фаластин бошқарувининг исталган шаклидан бутунлай чиқариб ташлаш”, - деди Мелони.
У Фаластиннинг тан олинишига қарши эмаслигини, аммо бунинг учун “суверенитет учун зарур реквизитлар” зарурлигини таъкидлади.
"Агар улар Фаластинни тан олиш сиёсий босим воситаси дейишса, буни тушунаман, лекин кимга босим ўтказилмоқда? Мен бирламчи сиёсий босимни ХАМАСга қўллаш керак, деб ҳисоблайман, чунки ХАМАС урушни бошлаган ва гаровдагиларни қўйиб юбормасдан уни тугатмаяпти", - деди Мелони.
Аввалроқ БМТнинг Нью-Йоркдаги штаб-квартирасида бўлиб ўтган анжуманда Андорра, Бельгия, Люксембург, Мальта, Сан-Марино ва Франция Фаластин давлатини тан олганликларини эълон қилган эди. 21 сентябрь куни Австралия, Буюк Британия, Канада ва Португалия Фаластинни расман тан олди. Уларнинг баёнотларига кўра, икки халқ учун икки давлат тамойилига содиқлик ҳам Фаластин, ҳам Исроил халқлари учун тинчлик ва хавфсизликнинг калитидир.
Хитойдан қарздор давлатлар рўйхати тузилди
Хитойда ишлаб чиқарилган уч маҳсулотнинг Ўзбекистонга импортига тақиқ қўйилди
Росгвардия ходимлари Жалолиддин Аҳмадалиев концертига бостириб кирди
