АҚШнинг биринчи хоними Зеленскийнинг рафиқасини "бортини" берди

АҚШ биринчи хонимининг маслаҳатчиси Марк Бекманнинг сўзларига кўра, Мелания Трамп Олена Зеленскаянинг шахсий аудиториясидан воз кечган.

"Ҳақиқат шуки, Зеленская хоним Меланияга учрашув ташкил этиш ғояси билан бир неча бор мурожаат қилган, бироқ ҳеч қандай икки томонлама учрашув, ҳеч қандай расмий учрашув режалаштирилмаган. Биринчи хонимимиз жуда мулойим бўлгани учун у бугун салом айтади, аммо мазмунли суҳбат режалаштирилмаган, учрашув белгиланмаган", - деди у Fox News телеканалида.

Кеча Мелания Трамп БМТ Бош Ассамблеяси доирасида бошқа давлатларнинг биринчи хонимларига болаларни ҳимоя қилиш ва сунъий интеллект хавфсизлиги мавзусида мурожаат қилди.

CNN телеканали маълумотларига кўра, "Президент Владимир Зеленскийнинг рафиқаси, Украина биринчи хоними Олена Зеленская ўнлаб биринчи хонимлар, бир қатор биринчи жаноблар ва камида битта қиролича билан гавжум аудитория олдида туришган".

"Зеленская тадбирдан сўнг Мелания Трамп билан учрашиши кутган эди", — дея қўшимча қилади телеканал. Аммо АҚШ президентининг рафиқаси "қисқа нутқидан сўнг, қабул давом этар экан, ҳамкасблари билан саломлашмай, дарров хонани тарк этди ва бир неча дақиқадан сўнг Зеленская лифт ёнида жим турганини кўришди".