Трамп сунъий интеллектни "супер интеллект" деб қайта номлашни таклиф қилди

АҚШ президенти бу ҳақда БМТ Бош Ассамблеясидаги чиқишида маълум қилди.

"Шу пайтдан бошлаб барча АҚШ ҳужжатларида ва умид қиламанки, бутун дунёда — “сунъий интеллект” эмас, балки анча аниқроқ бўлган “супер интеллект” атамаси қўлланилади. Бошқача қилиб айтганда, янги суперинтеллект дунёсига хуш келибсиз. Кўрамиз, бу оммалашармикин. Бу анча яхшироқ эшитилади", — деди Доналд Трамп.

Унинг таъкидлашича, номдаги "сунъий" сўзи худди интеллект "ҳақиқий эмас"дек таассурот уйғотади. Шунингдек, Трамп ҳозирда АҚШ сунъий интеллект соҳасида Хитой ва бошқа мамлакатлардан анча олдинда эканлигини қўшимча қилди.

" Биз бу устунликни сақлаб қолмоқчимиз. Биз саноат инқилобидан ҳам кенг кўламлироқ бўладиган соҳанинг ривожланишига тўсқинлик қилмаймиз", — деди у.